Мекларен со нов петгодишен план: Повторно ќе се бориме за победи и за титулата

Шефот на Мекларен, Зек Браун, смета дека тимот е на пат да се искачи кон челото на колоната. Тимот од Вокинг заврши на шестото место во пласманот кај конструкторите, но не го постигна очекуваниот успех по преселувањето од Хонда на Рено. Во текот на сезоната, тркачкиот директор Ерик Булие бил отпуштен од работа, а потоа започна масовна реорганизација на внатрешните структури.

Последната победа на Мекларен е од далечната 2012 година, а од почетокот на 2014 година тие не завршиле на подиумот. Фернандо Алонсо се повлече, а Карлос Сајнц Џуниор дојде на негово место и ќе биде партнер на новодојдениот Ландо Норис.

Браун постави краен рок за првпат во кој мора да се постигне јасна победа.

– Изработивме петгодишен план, во рамките на кој ќе преземаме назад кон победите, а штом почнеме да победуваме повторно, ќе се бориме и за шампионатот. Од критична важност се промените кои ги прави „Либерти Медија“, бидејќи во сегашната насока на спортот, е многу тешко за повеќе од 2-3 тима да се натпреваруваат за шампионатот. Мислам дека некои работи се надвор од нашата контрола, но се надеваме дека ќе влијаеме на можноста повеќе тимови да учествуваат во борбата, изјави Браун.

Тој засега не сака да прави предвидувања, но свесен е дека последните две години биле лоши за тимот и не сака да ги повторува истите грешки.