Дваесет и петгодишник бил каснат од куче скитник, на автобуска постојка во кавадаречкото село Марена.

Ја информираме јавноста дека група основачи на политичката партија Левица, зад кои стои бројно членство, поднесе кривична пријава кон актуелното раководство на Левица.

Секторот за внатрешни работи Куманово, до Основното јавно обвинителство Куманово, поднесе кривична пријава против Гордана Јанкуловска (43) од Скопје поради постоење основи на сомнение за сторено кривично дело „злоупотреба на службена положба и овластување“, казниво по член 353 став 3 и став 5 од Кривичниот законик на Република Македонија.

Вкупно 11 сообраќајки се случиле вчера на подрачјето на СВР Скопје, во кои шест лица се здобиле со лесни телесни повреди, а во осум од нив е предизвикана материјална штета.

Во два одделни пожара кои денеска избувнаа во атарот на село Дулица, Македонска Каменица опожарена е борова шума на површина од близу два хектара.

Целосно изгоре товарното возило на патот кај Дебреште, Росоманско, во пожарот што избувна попладнево, за среќа повредени нема.

Гори возило на патот кај село Дебриште, Росоманско, информацијата ја потврдија за МИА од Територијалната противпожарна единица од Кавадарци.

Секторот за внатрешни работи Скопје - Единица за насилен криминал, до надлежното Основно јавно обвинителство Скопје, со кривична пријава го предаде А.М.(26) од Скопје, поради основи на сомнение дека на 24.09.2018 година со повеќе истрели од огнено оружје се обидел да го лиши од живот Ј.Б.(22) од Скопје, со што сторил кривично дело „убиство во обид“.

На автопатот Скопје-Гевгелија, на делницата од Неготино до Гевгелија, во патничко возило „опел зафира“ со скопски регистарски таблици се пронајдени девет лица мигранти од Иран.

Во полициска акциска контрола во угостителски објект во село Жеровјане, синоќа во периодот од 22.00 часот до 01.00 часот по полноќ биле затекнати шест женски лица (три од Република Србија и три македонски државјанки). Српските државјанки (две на возраст од 21 и една 26 години ) биле приведени и предадени во Отсекот за прекуграничен криминал, миграции, странци и реадмисија за натамошна постапка.