Во Секторот за внатрешни работи Скопје синоќа во 22.20 часот Д.И.(44) од Скопје пријавил дека истиот ден околу 19,00 часот во автобус на ЈСП број 65 на булевар „Никола Карев“ од страна на две непознати лица физички бил нападнат неговиот 13 годишен син.

На 27.09.2018 година околу 13,20 часот во Полициска станица Тетово, Д.А.(23) и Х.Џ.(18) двајцата од Тетово пријавиле дека на улица „Маршал Тито“, околу 11,50 часот најпрво биле навредувани, а потоа Д.А. бил нападнат од С.А.(43) од Тетово.

Непознати лица вчера изутрина каменувале воз којшто сообраќал на релација Велес - Скопје. Повредени нема.

Девет женски лица се затекнати во акција на полицијата ноќеска од полноќ до 2:00 часот во угостителски објект во село Желино, тетовско сопственост на 46-годишен жител на ова село.

Осумдесет и тригодишен скопјанец почина откако вчера во него удри возило марка „фолксваген пасат“ на улицата „Македонско-косовска бригада“.

Еден возач и еден пешак го загубија животот, две лица се здобиле со тешки телесни повреди, а други 12 со лесни, во вкупно 15 сообраќајки што се случиле вчера во Скопје.

Надворешната канцеларија за криминалистички работи - Крива Паланка поднесе кривична пријава против жител од селото Огут за недозволено поседување ловни патрони.

Надворешната канцеларија за криминалистички работи Прилеп поднесе кривична пријава против М.С.(57) од Прилеп и правното лице ДООЕЛ „ПЕЛА ТРАНС“-село Мажучиште поради постоење основи на сомнение за сторено кривично дело „злоупотреба на постапка јавен повик, доделување на договор за јавна набавка или јавно –приватно партнерство“.

Во пожар кој избувна во куќа во селото Баница, во близина на Струмица, целосно изгоре една соба, а двајца жители на селото се полесно повредени и се пренесени во Струмичката болница, информираа од ТППЕ Струмица.

Во близина на Демир Капија во паркирано товарно возило „Рено Мастер“ со скопски регистарски ознаки без возач, вчера се откриени 33 лица илегални мигранти од Пакистан.