Едно лице го загуби животот, а четири се тешко повредени во сообраќајната незгода што утрово во 1:25 часот се случи на излезот од Охрид кон Кичево, кај манастирот „Св.Еразмо“.

Нормализиран е сообраќајот на магистралниот пат Крива Паланка – граничен премин Деве Баир, кој синоќа беше затворен поради сообраќајна несреќа меѓу две возила кај местото Самоков.

Триесет дена притвор за Б.Е.(47) од Тетово определил судија во претходна постапка откако полицијата против него поднесе кривична пријава за неовластена продажба на дрога. Веднаш по определената мерка тој бил пренесен во КПУ Скопје, во Шуто Оризари, на издржување на притворот, информираше портпаролот на СВР Тетово Марјан Јосифовски.

Секторот за компјутерски криминал и дигитална форензика при Министерството за внатрешни работи до Основно јавно обвинителство Скопје поднесе Известување за откриени содржини во кои има повикување на насилство или најави за однесување кое би значело загрозување на туѓа безбедност, а се објавени на профили на социјалната мрежа Фејсбук во изминатите 24 часа, кои се соодветно документирани.

Две лица се повредени во сообраќајна несреќа што денеска околу 13:20 часот се случила на булеварот „Теодосиј Гологанов“.

Струшката полиција вчера го привела 45 годишниот П.К. од селото Велешта поради сторени казнени дела „насилство“ и „спречување на овластени службени лица при вршење на службени дејствија“.

Во домот и помошни простории на Б.Е.(47) од Тетово полицијата вчера нашла околу 200 грама хероин, две дигитални ваги, два мобилни телефона, една импровизирана цевка и 12.400 денари.

Во изминативе девет месеци од годинава од СВР Тетово спровеле 50 акциски контроли во угостителски објекти (тетовско 33 и гостиварско 17). Контролите биле дел од активности за откривање и законско санкционирање на странски државјанки кои непријавено престојуваат и работат или се инволвирани во евентуални кривични дела.

Секторот за внатрешни работи Скопје со кривична пријава до надлежното Основно јавно обвинителство – Скопје го предаде лицето Н.Ш. (39), од Скопје осомничен дека сторил кривичното дело „неовластено производство и пуштање во промет наркотични дроги, психотропни супстанции и прекурзори“.

Девет лица се полесно повредени во вкупно 14 сообраќајни несреќи што вчера се случиле на подрачјето на Град Скопје. Во седум од сообраќајките е регистрирана само материјална штета.