Најмалку 30 минути се чека на граничниот премин Евзони - Богородица, на грчка страна, за влез во Македонија. На преминот има километарска колона возила кои чекаат да влезат во земјава и да го продолжат патувањето, информираат за МИА македонски граѓани.

На граничниот премин Богородица, на македонско-грчката граница, за влез и за излез од земјата се чека до 20 минути, информираат надлежните од граничниот премин.

На нашиот најфреквентен граничен премин „Богородица“ во моментот за излез и влез во државата се чека најмногу петнаесетина минути, информираат за МИА од дежурната гранична служба.

Македонскиот планинар Александар Кирковски сам и без никаква логистика го искачи најатрактивниот алпски врв Матерхорн со 4.478 метри надморска височина, преку гребенот „Хорнли“ од швајцарската страна на планината.

Со последната акција на полицијата во полошкиот регион, вкупниот број странски државјанки, кои непријавено престојуваат и нелегално работат во објектите, во јули достигна 67. Тоа е приближно иста бројка со вкупно откриените (63) во првите шест месеци и вкупно и до денес достигна 130 лица.

Локалитетот „Врбјанска чука“ се истражува трета година и сега пристигнаа алализите на стручните екипи од Полска, Чешка, Шпанија, Швајцарија, Германија и од Словенија кои овој неолитски локалитет од пред 8.000 години, со траги од римскиот и од средновековниот период, го сместуваат во ретките во Македонија и Европа.

Поради сообраќајна незгода на регионалниот пат Кавадарци – Неготино, пред село Марена, сообраќајот е во целосен прекин, информира Автомото сојузот на Македонија.

Во утврдениот рок за поднесување барања за штети од невремето со град, денеска заклучно со 16 часот во канцелариите во Гевгелија, Негорци и Миравци биле поднесени 314 пријави од физички и правни лица за предизвикани штети на земјоделските посеви.

Околу 500 вработени во Клиничката болница во Штип вчера ги добиле парите за дежурствата, кои во изминатите три години, не им биле исплаќани согласно законот. Директорот на Клиничка болница-Штип, Ален Ѓеорѓијев на денешната прес-конференција рече дека од буџетот на болницата на сметките на вработените се пристигнати околу 145.000 евра.

Јавен настан со бројни креативни и едукативни активности за сите генерации утре со почеток од 18 часот ќе се одржи на Кејот „Македонија“ во Охрид, во организација на Фондацијата за образовни и културни иницијативи „Чекор по чекор“.