Во светот денеска се одбележува Светскиот ден за пристојна работа, годинава со централна тема „Нов социјален договор за закрепнување и издржливост“ за што е потребно да бидат разгледани стратегии за враќање на работниците на работа, за заштита на работните места во време на пандемија, ажурирање на проценките за безбедност и здравје, согласно новата биолошка штетност, работа од далечина и прецизирање на деталите поврзани со тоа

Фондацијата Отворено општество-Македонија и Фондацијата за образовни и културни иницијативи „Чекор по чекор“ денеска ќе го организираат традиционалниот настан Speech4Teachers.

Здружението за еманципација, солидарност и еднаквост на жените – ЕСЕ денеска ќе организира виртуелна конференција за медиуми на тема „Што придонесува за смртноста кај доенчињата и какви мерки се потребни за унапредување на здравјето на жените, мајките и децата?“

Државата направи погрешни чекори вели естрадниот уметник Илче Младеновски, коментирајќи ги последните чудни рестриктивни мерки што ги донесе владата - во пресрет на утрешниот протест на музичарите.

Помошникот државен секретар на САД за Европа и Евроазија, Филип Рикер викенов бил во посета на Вселенската Патријаршија и имал средби во Патријархот Вартоломеј, објави Патријаршијата во Фанар.

Министерот има разбирање, како што вели, дека сите се веќе заморени од епидемијата, но дека најголем е заморот на здравствените работници кои седум месеци деноноќно работат да ја одржат состојбата под контрола.

Најверојатно преговарачката рамка ќе биде брзо усвоена и сите се надеваме дека ќе се случи меѓувладината конференција. Но, во моментот кога ќе треба да почнат преговорите, владеењето на правото ќе биде најважната точка, вели францскиот амбасадор Кристијан Тимоние.

ВМРО-ДПМНЕ вечерва организираше нов протест против поскапувањето на струјата за 7,42 отсто, барајќи враќање на старата цена и оставка на Регулаторната комисија за енергетика (РКЕ) и нејзиниот претседател Марко Бислимовски.

Според Гир, процесот на пристапување кон ЕУ треба да биде национален проект, а не проект на една политичка партија или коалиција. Реформите се во интерес на граѓаните, како и поттик за просперитетот на институциите, на демократијата. Целта е заемна, во интерес на сите.

Не би сакал да го потценувам предизвикот, но не смее да се потценува и огромната одговорност на сите вклучени, како и огромната шанса што е пред нас – да имаме успех и за нас и за нашите соседи и за ЕУ.