Одлуката со која Валентин Инцко, високиот претставник во БиХ во заминување, наметна измени и дополнувања на Кривичниот законик на БиХ со кои се забранува и казнува негирањето на геноцидот и величање на воени злосторници, покажува дека тој е типичен србомразач и веднаш велам дека Република Српска тоа го отфрла, рече Милорад Додик член на Претседателството на БиХ на прес-конференција во Бања Лука.

– Тој нема право да го стори тоа, ова е законски неоснована одлука, Република Српска го отфрла ова. Ова не е одлука со која се оди напред. Тој не требаше да замине со таква одлука, рече Додик.

– РС го отфрла тоа, геноцид не се случи, Србите никогаш не смеат тоа да го прифатат. Ова е последниот клинец во мртовечкиот ковчег на БиХ, рече Додик и додаде дека „оваа одлука ќе посее многу зло”.

– БиХ не може вака да функционира, РС треба институционално да одговори. Ќе закажеме седница на Националното собрание на РС. Ние сме принудени да тргнеме во процес на дисолуција, рече тој.


Администратор
23/07/2021 16:10