Во организација на Институтот за демократија „Социетас Цивилис“ – Скопје (ИДСЦС), Мрежата Политикон (ПИН) и Центарот за современа политика (ЦСП) денеска ќе се одржи онлајн конференција „Зајакнување на владеењето на правото на Западен Балкан: Стари алатки за нови правила?“.

Целта на конференцијата, како што наведуваат организаторите, е да се размисли за тековниот процес на реформа на владеењето на правото во земјите кандидати за Западен Балкан, да се разговара за неговите предизвици и да се постави нов пат кон иднината.

Според организаторите, воведни обраќање на собирот ќе имаат Марко Трошановски, претседател на Институтот за демократија „Социетас Цивилис“ Скопје, Јована Маровиќ, извршен директор на Мрежата Политикон и Фросина Тасевска, државен секретар во Министерството за правда.

Проектот „Зајакнување на владеењето на правото на Западен Балкан: Стари алатки за нови правила“ го спроведува Мрежата Политикон во соработка со Центарот за современа политика и со поддршка на амбасадите на Холандија во Србија и во Црна Гора, а ИДСЦС е партнер за спроведување во Македонија.


Администратор
14/06/2021 10:47