Свети Николе обeзбеди таблети за учениците од руралните средини

Општина Свети Николе со пари од својт буџет набави 43 таблети во вредност од 350.000 денари за ученици кои имаа пречки во следење на онлајн-наставата во Општинско основно училиште „Даме Груев” во село Ерџелија.

Градоначалникот на Свети Николе Сашо Велковски вели дека со набавката на таблетите, посебно за учениците кои се од руралните средини и од социјална категорија на граѓани, сега сите ученици на ниво на општина без пречки можат да ја следат oнлајн-наставата.

– Вложуваме во подобрување на образовниот процес, вложуваме во беспрекорно одвивање на наставата на нашите дечиња. Тоа е еден од приоритетите на оваа локална власт, истакна Велковски.