Зголемен бројот на хоспитализирани пациенти за разлика од претходните денови, за 24 часа примени 25 нови

На Инфективната клиника во изминативе 24 часа примени се девет пациенти. Вкупно се хоспитализирани 92 пациенти. На кислородна поддршка се 62 пациенти, нема пациенти на респираторна машина.

Во болницата во Козле се хоспитализирани 20 возрасни пациенти позитивни на Ковид-19, две деца позитивни и 3 суспектни на вирусот.

Во ГОБ „8 Септември“ примени се 16 пациенти, вкупно хоспитализирани се 94 пациенти. На респираторна машина се четворица пациенти.

Во болницата во Битола се хоспитализирани 44, а во болницата во Штип се хоспитализирани 47 пациенти. На инфективните одделенија во Тетово, Охрид, Велес, Куманово, Прилеп, Гостивар и Струмица се хоспитализирани 110 пациенти – позитивни и сомнителни на Ковид-19.