Основното јавно обвинителство Скопје поднесе предлози за издавање казнени налози против вкупно 12 лица за кривично дело – Непостапување според здравствените прописи за време на епидемија од член 206 став 1 од Кривичниот законик.

Како што соопшти Јавното обвинителство, обвинетите го сториле кривичното дело не почитувајќи ја Одлуката за забрана и за посебен режим за движење на територијата на Република Северна Македонија. Тие биле затекнати како се движат на различни локации за време на полицискиот час.

-Јавното обвинителство на Основниот кривичен суд Скопје му предложи да изрече парични казни од по 100 дневни глоби при што висината на една дневна глоба да биде одредена на 20 евра во денарска противвредност., наведува Обвинителството.


Администратор
02/06/2020 13:17