Мицкоски до дијаспората: Што е можно поголема излезност за да испорачаме одговорот на криминалната власт

Лидерот на ВМРО-ДПМНЕ Христијан Мицкоски преку својот статус на Фејсбук напиша дека Заев и неговата власт се неспособни и потопени во криминал.

-Има две основни одлики за Заев и неговата власт. Тие се неспособни и потопени во криминал. Овие две работи ја туркаат Македонија во погрешна насока. Решението е на 12 април. И ова е шанса за промена која им припаѓа на сите Македонци. Денес, 11 март е последниот ден за пријавување на гласачи во дијаспората на Македонија за гласање на претстојните предвремени избори. Апелирам на што можна поголема излезност за да на 12ти го испорачаме одговорот за неспособната и криминалната власт. Денес е шансата на државјаните на Република Македонија ширум светот да го искажат својот став и да го казнат Зоран Заев за неговите погубни политики. Пријавувањето е едниот чекор, вториот е испорачување на одлуката за промена на 12 април.