Николоски: Со силната поддршка за ВМРО-ДПМНЕ, Зоран Заев ќе биде поразен во ИЕ 4

Потпретседателот на ВМРО-ДПМНЕ Александар Николоски по гласањето на централниот комитет на партијата на својот фејсубк профил го соопшти задоволството да биде предводник на пратеничките листи во изборната единица 4 каде што ќе се соочи со Претседателот на СДСМ Зоран Заев.

- Предводник сум на тим кој во четвртата изборна единица ќе ја донесе обновата и овој крај ќе биде најпосакуваниот крај за живеење во Македонија. Со мојот личен кредибилитет и животен пат без црни дамки, со силна поддршка на ВМРО-ДПМНЕ и коалиционите партнери и сите граѓани ќе го победиме Зоран Заев на домашен терен.

Од изборната единица четири почнува Обновата на Македонија!, напиша на својот Фејсбук профил потпретседателот на ВМРО-ДПМНЕ Александар Николоски.