Германскиот репрезентативец Лерој Сане одби да го продолжи договорот со Манчестер Сити и е подготвен да го напушти „Етихад“, пренесува „Спортс билд“. Сериозен интерес за крилото покажува шампионот на Бундеслигата, Баерн Минхен.

Баварците веќе долго време сакаат да го привлечат 23-годишниот Сане, но шансата за трансфер во текот на летото пропадна откако фудбалерот ги скина лигаментите во коленото во август во натпреварот за Суперкупот на Англија и оттогаш не играл.

Германецот, кој сè уште се опоравува од повредата, има договор со Сити до јуни 2021 година, но сака повеќе време за игра и е подготвен да го напушти тимот ова лето при добра зделка. За време на претходната кампања, тој забележа 47 голови и 18 асистенции на 47 средби, од кои во 17 влезе како резерва.

Се очекува Баерн да плати околу 100 милиони евра за Сане.


Администратор
12/12/2019 21:21